Bayani?

8/24/2012 born-san No comments

Sadyang walang na nga bang pipigil

Sa patalim na pilit kumikitil

Sa mga hiyaw na kailanma’y di madidinig?

Ang mga bayani sa panahon ngayon

Mga bayani ng makabagong henerasyon

Kanilang mga tinig ay nananatiling himig.

Sapagkat sila’y binubusalan ang mga bibig

Sa sako’y isinilid, mga dugo’t laman pati ang tinig

Itinapon at palutang-lutang ang diwa’t ala-ala sa mga ilog.

At kahit anong pagmamakaawa’y tila sawi

Sa pagdulog sa kinauukulang madalas ay naiidlip.

Oh, sadyang nakalulungkot at nakapanglulumo!

Sa makabagong henerasyon, tanging iisa lamang ang tanong

Bayani, uso pa ba sa ngayon?