Rosas

8/23/2012 born-san 1 comment

Talulot ang nagpapaalala

Sa iyong napaka pait na pagsinta.

Ang mga tinik nito ang syang naghabi

Sa aking puso ng di malilimutang hapdi.

Mapupulang kulay ang nagpinta

Sa isang larawang ninanais na mabura.

Ito'y dahan-dahang niyayapos

Ang aking gunita'y tila nakagapos.

Mata’y walang tigil sa pagtangis

Sa sakit na dulot ng iyong kataksilan.

Sa iyong pagmamahal ako ay nabigo.

Sa pag-ibig na inialay, rosas na bulok ang iyong inihandog.